سستی پٹرولیم مصنوعات کا دور ختم ہونے والا ہے -
The news is by your side.

Advertisement

سستی پٹرولیم مصنوعات کا دور ختم ہونے والا ہے

اسلام آباد: پاکستان میں پیٹرولیم مصنوعات کی قیمتوں میں کمی کا ہنی مون دور ختم ہوا، اوگرا نے پیٹرولیم مصنوعات کی قیمتوں میں دس فیصد تک کا اضافہ تجویزکر دیا۔

سعودی عرب اور خلیجی اتحادی ممالک کے یمن پر فضائی حملے جاری ہے، عالمی منڈی میں تیل کی قیمتوں میں ہونے والےاضافے کو جواز بنا کر اوگرا نےعوام پرپیٹرول بم گرانے کی تیاری کرلی۔

اوگرا کی جانب سے پٹرولیم مصنوعات کی قیمتوں میں دس فیصد تک اضافے کی سمری ارسال کردی، جس میں پیٹرول چار روپے چالیس پیسے فی لیٹر مہنگا کرنے کی تجویز دی ہے۔

ہائی آکٹین سات روپے چھیاسٹھ پیسے، ہائی اسپیڈڈیزل سواچھ روپے اور مٹی کے تیل کی قیمت ایک روپے چھپن پیسے فی لیٹر بڑھانے کی تجویز دی گئی ہے جبکہ لائٹ ڈیزل ڈھائی روپے فی لیٹر مہنگا کرنے کی سفارش کی گئی ہے۔

ذرائع کے مطابق حکومت جی ایس ٹی میں ایڈجسٹمنٹ سے قیمتیں برقرار بھی رکھ سکتی ہے۔

Comments

comments

یہ بھی پڑھیں