سعودی عرب میں خودکش حملہ، 2 سرحدی محافظ شہید، 3 زخمی -
The news is by your side.

Advertisement

سعودی عرب میں خودکش حملہ، 2 سرحدی محافظ شہید، 3 زخمی

عراق :عراق اور سعودی عرب کی سرحدی بارڈر پر خودکش حملے سے دو سعودی گارڈ جاں بحق اور تین زخمی ہوگئے۔

خبر رساں ایجنسی کے مطابق عراقی سرحدی علاقے عرار کے قریب نامعلوم حملہ آور نے سعودی گارڈز پر فائرنگ کردی جبکہ ایک حملہ آور نے خود کو دھماکے سے اڑا لیا، دھماکے میں ایک سینئر آفیسر سمیت دو سعودی گارڈز جاں بحق اور تین زخمی ہوگئے جبکہ ایک حملہ آور کو گرفتار کرلیا گیا،سعودی افواج شام میں اسلامی ریاست کے خلاف امریکا کی قیادت میں فضائی حملوں میں شامل ہیں۔

دوسری جانب امریکی ائیر فورس افرادی قوت کی کمی کی وجہ سے عراق اور شام کے علاقوں میں کارروائی کرنے کے لیے تیار نہیں۔ امریکی فضائیہ کا کہنا ہے کہ امریکی آپریٹر کو ڈرون کے استعمال میں دشواری کا سامنا ہے اور ڈرون کو آپریٹ کرنے کے لیے مزید افرادی قوت کی ضرورت ہے ورنہ ان حالات میں شام اور عراق میں کارروائی کرنا مشکل ہوجائے گا۔

Comments

comments

یہ بھی پڑھیں