اسلام آباد میں نماز کے لئے ایک وقت مقرر کرنے کا فیصلہ -
The news is by your side.

Advertisement

اسلام آباد میں نماز کے لئے ایک وقت مقرر کرنے کا فیصلہ

اسلام آباد: اب دارالحکومت میں ایک ہی وقت میں اذانیں گونجیں گی، حکومت نے اسلام آباد میں نماز کے لئے ایک وقت مقرر کرنے کا فیصلہ کرلیا۔

اسلام آباد میں وزیر مذہبی امور سردار یوسف کی زیر صدارت ہونے والے علماء کرام کے اجلاس میں نظام صلٰوۃة کے لئے دس رکنی کمیٹی قائم کر دی گئی ۔

 کمیٹی اذان اور نماز کے لئے ایک وقت کا تعین کرے گی اجلاس میں فیصلہ کیا گیا کہ نماز کے اوقات میں کاروباری مراکز بند رکھے جائیں گے جبکہ دفاتر میں وضو کرنے اور نماز پڑھنے کا اہتمام کیا جائے گا ۔

ذرائع وزارت مذہبی امور کے مطابق سعودی عرب کی طرز پر نظام صلٰوة متعارف کرایا جارہا ہے۔

اس خبر پر اے آروائی نیوز سے خصوصی گفتگو میں جامعہ بنوریہ کے سربراہ مفتی نعیم نے بیک وقت اذان اور نماز کی ادائیگی کے حکومتی فیصلے کو قابل تحسین قراردیا ہے۔

رکن قومی اسمبلی مولانا جمال الدین نے اذان کے فوری بعد نماز کی ادائیگی پر اپنے تحفظات کا اظہار کیا ہے، ان کا کہنا تھا کہ نماز کے وقت کاروبار بند رکھنے کے حکومتی فیصلے کا خیرمقدم کرتے ہیں۔

Comments

comments

یہ بھی پڑھیں