site
stats
عالمی خبریں

سعودی فرمان رواشاہ سلمان کا کابینہ میں تقرروتبادلوں کا اعلان

ریاض : سعودی عرب کے نئے فرمانروا شاہ سلمان بن عبدالعزیز نے زمامِ اقتدار سنبھالنے کے ایک ہفتے بعد ہی کابینہ میں بڑے پیمانے پر تبدیلی کرتے ہوئے ملازمین کیلئے دو ماہ کی بونس تنخواہ کا اعلان کردیا ہے۔

شاہی فرمان کے ذریعے پرنس خالد بندر کو سعودی انٹیلی جنس چیف کےعہدے سے برطرف کر کے بریگیڈیئر جنرل خالد الحمیدان کو نیا سعودی انٹیلی جنس چیف مقرر کر دیا گیا ہے۔

اعلامیے کے مطابق عادل الطرافی کو وزارتِ اطلاعات، احمد خطیب کو وزارتِ صحت کا قلم دان سونپا گیا، منصور بن مطائب منسٹر آف اسٹیٹ مقررکئے گئے ہیں ۔

اسلامک شوریٰ کی وزارتِ صالح الشیخ کے سپرد کی گئی ہے، شاہ عبداللہ کےدونوں صاحبزادوں شہزادہ مشعل اورشہزادہ ترکی کو برطرف کرکےانکی جگہ شہزادہ خالد الفیصل کو گورنرمکہ اور فیصل بن بندرکو گورنر ریاض تعینات کردیا گیا ہے ۔

ڈاکٹر یحیی بن عبداللہ سعودی شوریٰ کونسل کےنائب اسپیکرمقرر کئے گئے ہیں جبکہ بندر بن سلطان کو نیشنل سیکیورٹی کونسل کے عہدے سے ہٹادیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top