لندن : سابق مایہ ناز آف اسپنر ثقلین مشتاق کا کہنا ہے کہ سعید اجمل پاکستان کا سرمایہ ہیں، امید ہے کہ وہ جلد ایکشن بہتر کرکے بین الاقوامی کرکٹ میں ایکشن میں دکھائی دیں گے۔
پاکستانی آف اسپنر ثقلین مشتاق کا کہنا ہے کہ پاکستان کرکٹ بورڈ نے سعید اجمل کے ایکشن کی درستگی کے لئے ان سے رابطہ کیا ہے، وہ اجمل کا بولنگ ایکشن تبدیل کرانے میں ان کی بھرپور مدد کریں گے۔
سینتیس سالہ ثقلین نے کہا ہے کہ سعید اجمل کی پاکستان کرکٹ کے لئے خدمات مثالی ہیں، وہ ورلڈ کلاس باؤلر ہیں، کھلاڑی پر بُرا وقت آتا ہے لیکن وہ پر امید ہیں، اجمل جلد اپنا ایکشن درست کرکے بین الاقوامی کرکٹ میں ایکشن میں دکھائی دیں گے۔
برطانیہ میں مقیم سابق پاکستانی آف اسپنر جلد پاکستان آکر سعید اجمل کا ایکشن بہتر بنانے میں اپنا کردار ادا کریں گے، آئی سی سی نے گال ٹیسٹ میں غیر قانونی باوٗلنگ ایکشن کے سبب سعید اجمل پر پابندی عائد کی ہے۔
