لاہور: سابق کپتان سلمان بٹ نے چئیرمین پی سی بی شہریار خان سے ملاقات کی، جس میں انھوں نے اعتراف کیا کہ انگلینڈ کیخلاف میچ کے دوران فاسٹ بولر محمد آصف اور محمد عامر کی جانب سے کرائی گئی نو بالز سے وہ پہلے سے آگاہ تھے، سلمان بٹ نے پی سی بی کو تحریری معافی نامہ جمع کروادیا۔
ذرائع کے مطابق ملاقات میں چیئرمین پی سی بی نے سلمان بٹ کو مقدمہ آئی سی سی میں لیجانے کی یقین دہانی کرائی اور کہا کہ وہ سلمان بٹ کی پابندی کے معاملے پر ان سے ہر ممکن تعاون کریں گے۔
پی سی بی کی جانب سے سلمان بٹ کا اعترافی بیان جلد آئی سی سی میں جمع کرادیا جائے گا۔
- Advertisement -
اسپاٹ فکسنگ کیس میں پابندی کا شکار سلمان بٹ نے پی سی بی کے بحالی پروگرام میں بھی بھرپور تعاون کیا تھا۔ سلمان بٹ کو اسپاٹ فکسنگ میں آئی سی سی کی جانب سے دس سال کی پابندی کا سامنا ہے۔
