site
stats
اہم ترین

سلمان تاثیربرسی تقریب حملہ ،ملزمان کی شناخت

لاہور: سلمان تاثیر کی یاد میں تقریب پر حملہ کرنے والوں کی شناخت ہوگئی  ہے، پولیس گرفتاری کے لیے چھاپے مار رہی ہے، وفاقی وزیرِاطلاعات پرویز رشید کا کہنا ہے کہ کسی کو قانون ہاتھ میں لینے نہیں دیں گے جبکہ پیپلزپارٹی نے واقعے کو قومی ایکشن پلان کے لیے ٹیسٹ کیس قرار دے دیا ہے۔

سابق صوبائی وزیرِ قانون رانا ثنا اللہ کا کہنا ہے کہ سلمان تاثیر کی برسی میں ہنگامہ آرائی کرنے والوں کو ہرگز معاف نہیں کیا جائے گا، انہوں نے بتایا کہ فوٹیج کی مدد سے ذمہ داروں کی شناخت ہوگئی ہے۔

پولیس ان کی گرفتاری کے لئے چھاپے مار رہی ہے۔

وفاقی وزیرِ اطلاعات پرویز رشید نے بھی واقعہ کی مذمت کرتے ہوئے کہا کہ کسی کو حق نہیں پہنچتا کہ ایسی تقریب کے دوران ہنگامہ آرائی کی جائے، ان کا کہنا تھا کہ مستقبل میں ایسے واقعات کے تدارک کیلئے مؤثر اقدامات کی ضرورت ہے۔

پیپلزپارٹی پنجاب کے رہنماء اورنگزیب برکی نے واقعہ کو قومی ایکشن پلان کا پہلا ٹیسٹ کیس قرار دیا ہے، انہوں نے مطالبہ کیا کہ ملزمان کو فوری گرفتار کیا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top