The news is by your side.

Advertisement

سلمان خان کو سزا، بالی ووڈ اسٹاز کا سوشل میڈیا پر ردِعمل

نئی دہلی: سلمان خان کو پانچ سال قید کی سزا پر بالی ووڈ اسٹارز اور ٹینس اسٹار ثانیہ مرزا نے سلمان خان سے یکجہتی کا اظہار کیا۔

بالی وڈ اسٹارز نے اعلان کردیا کہ سلمان خان ہم تمہارے ساتھ ہیں۔

دبنگ خان کو پانچ سال جیل کی سزا پر سماجی رابطے کی ویب سائٹ ٹوئٹر پر ان سے ہمدردی اورنیک خواہشات کا سلسلہ شروع ہوگیا اور مشکل کی اس گھڑی میں ہر ایک نے سلمان کو تسلی دینے کی بھرپور کوشش کی۔

ٹینس اسٹارثانیہ مرزا کا کہنا تھا سلمان ہمیشہ کی طرح مضبوط رہیں، اس کے علاوہ کچھ نہیں کہنا۔

سوناکشی سنہا نے سلمان کے جیل جانے کو افسوسناک قرار دیتے ہوئے کہا کہ سلمان اچھے انسان ہیں۔  

ارجن کپور نے کہا کہ سلمان خان اس کے حقدار نہیں تھے، وہ ان کے ساتھ ہیں۔

دیامرزا نے کہا کہ سلمان خان نے میری ماں کی جان بچائی تھی، جو میں کبھی نہیں بھول سکتی۔

سینئر اداکار رشی کپورکا کہنا تھا کپور خاندان، خان خاندان کے ساتھ ہے۔  

گلوکارہ سونیدھی چوہان نے کہا کہ سلمان ہمیشہ دوسروں کی مدد کرتے آئے ہیں، سب ان کے لئے دعا کریں۔

بھارتی میڈیا پربھی آج کی سب سے بڑی خبرسلمان خان کی سزا رہی۔ سلمان خان کے گھرسے نکلنے سے لے کرکورٹ پہنچنے تک اور پھرسزا کے اعلان تک تمام چینلز پر سلمان خان ہی چھائے نظر آئے۔

Comments

comments

یہ بھی پڑھیں