site
stats
اہم ترین

سمندری طوفان نیلوفرکی انتہائی شدت برقرار

کراچی :بحیرہ عرب میں نیلوفر کی انتہائی شدت برقرار ہے۔

بحیرہ عرب میں اٹھنے والے سمندری طوفان نیلوفر نے تین ملکوں کے عوام کو ہلا رکھا ہے، اومان کو نقصان پہنچائے بغیر شمال مشرق کی سمت میں سفر کرنے والا انتہائی شدت کا طوفان جمعرات یا جمعے کو بھارتی صوبہ گجرات سے ٹکرائے گا۔

سمندری طوفان نیلو فر پاکستان کے صوبوں بلوچستان اور سندھ کو متاثر کرے گا۔ اپنی پوری شدت سے چلنے والا یہ طوفان اس وقت کراچی سے چھ سو جبکہ گوادر سے پانچ سو کلو میٹر کے فاصلے پر موجود ہے۔

 طوفان نیلوفر ڈیڑھ سے دو سو کلومیٹر فی گھنٹہ کی رفتار سے چلنے والے ہوائوں کے ساتھ پاکستان کے ساحلی علاقوں پر موسلا دھار بارش بھی برسائے گا، جس کے پیشِ نظر کراچی کے ساحلی مقامات پر سخت حفاظتی انتظامات کیے گئے ہیں ،طوفان نیلوفر سندھ کے ساحلی علاقے بدین کو بھی متاثر کرسکتا ہے جبکہ بلوچستان کا تجارتی ساحل گوادر بھی سمندری طوفان کی زد میں ہے۔

سندھ کے صوبائی وزیرِ بلدیات نے ساحلی علاقوں میں مقیم خاندانوں سے محفوظ مقامات پر منتقل ہونے کی اپیل کردی ہے۔

کراچی میں پریس کانفرنس کرتے ہوئے صوبائی وزیر بلدیات شرجیل میمن نے بتایا کہ سمندری طوفان نیلوفر جمعرات کو بارہ بجے کے بعد کراچی کی حدود میں داخل ہوگا  کراچی، بدین، سجاول سمیت پانچ اضلاع میں ایمرجنسی نافذ کردی گئی ہے ۔

شرجیل میمن کا کہنا تھا کہ جمعہ کو تمام اسکول، کالجز اور جامعات بند رہیں گی، عوام غیر ضروری نقل وحمل سے پرہیز کریں۔

انہوں نے بتایا کہ ساحل سمندر پر جانے پر دفعہ ایک سو چوالیس نافذ کردی گئی ہے۔۔۔۔پچاس سے ساٹھ لانچیں سمندر میں اب بھی موجود ہیں، سمندر میں موجود ڈیڑھ ہزار مچھیرے خطرے میں ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top