سمندری طوفان نیلوفر نے شدت اختیار کرلی -
The news is by your side.

Advertisement

سمندری طوفان نیلوفر نے شدت اختیار کرلی

کراچی : بحیرہ عرب میں پیدا ہونے والا طوفان بڑا ہورہا ہے، سمندری طوفان نیلوفر نے شدت اختیار کرلی ہے، طوفان عمان سے ٹکرا کر گوادر اوربھارتی گجرات کی طرف جانے کا امکان ہے، جمعے کو بھارتی ریاست گجرات کے ساحل سے ٹکرائے گا۔

نیلوفرنے پاکستان اوربھارت میں کھلبلی مچا دی ہے، بحیرہ ہند میں اٹھنے والا سمندری طوفان نیلوفر آئندہ چوبیس گھنٹوں کے دوران بلوچستان اور سندھ کے ساحلی علاقوں پر اثر انداز ہوگا، جس سے تیزہواؤں کیساتھ بارش کی پیشگوئی کی گئی ہے۔

نیلوفرنے پاکستان اوربھارت میں کھلبلی مچا دی، طوفان کے باعث کراچی میں شدید بارش کا امکان ہےجبکہ ماہی گیروں کو ساحل پر لوٹنے کی ہدایت کردی گئی ہے۔

محکمہ موسمیات کے مطابق سمندری طوفان کراچی کے جنوب مغرب میں بارہ سوکلومیٹرکے فاصلے پر ہے، جو آئندہ چھتیس سے اڑتالیس گھنٹے میں کراچی اور پاکستان کے ساحلی علاقوں سے ٹکرائے گا، طوفان کی آمد کے پیش نظر ہائی الرٹ جاری کر دیا گیا ، سندھ اوربلوچستان کے ماہی گیروں کوسمندرسے لوٹنے اورشہریوں کے سمندرمیں نہانے پر پابندی عائد کردی گئی ہے۔

ادھر کراچی میں شہری انتظامیہ خطرناک ہورڈنگز ہٹارہی ہے، متعلقہ افسران کواس حوالےسے ہدایت کردی گئی، تیس اور اکتیس اکتوبر کو کراچی، بدین، ٹھٹھہ اور بلوچستان کے ساحلی علاقوں میں طوفانی بارش تباہی لاسکتی ہے۔

Comments

comments

یہ بھی پڑھیں