سمندری طوفان نیلو فر کے خطرات، ساحلی پَٹی پر ریڈ الرٹ -
The news is by your side.

Advertisement

سمندری طوفان نیلو فر کے خطرات، ساحلی پَٹی پر ریڈ الرٹ

کراچی : بحیرہ عرب میں بننے والے نیلوفر نامی سمندری طوفان میں شدت آ رہی ہے، حکام نے سندھ اور بلوچستان کے ممکنہ متاثرہ علاقوں میں امدادی سرگرمیوں کو حتمی شکل دے دی ہے ۔ لوگوں کے ساحل پر اور ماہی گیروں کے سمندر میں جانے پر پابندی لگا دی گئی ہے۔

محکمہ موسمیات کے مطابق اس وقت یہ طوفان کراچی سے جنوب مغرب میں 1100 کلومیٹر کے فاصلے پر ہے، انتہائی شدید سمندری طوفان نیلوفرکراچی کی طرف پانچ کلومیٹرکی رفتار سےشمال کی طرف بڑھ رہا ہے، جس کے باعث آج سے جمعہ کے دوران تیز ہواؤں اور گرج چمک کیساتھ تیز موسلادھار بارش کا امکان ہے۔

آفات سے نمٹنے کے قومی ادارے این ڈی ایم اے کی طرف سے جاری ایک بیان میں بتایا گیا کہ آئندہ 24 سے 36 گھنٹوں میں اس طوفان کی رفتارایک سو دس کلو میٹر  تک بڑھ سکتی ہے، اس طوفان کا پاکستانی ساحلی علاقوں سے ٹکراؤ متوقع نہیں تھا لیکن بحیرہ عرب میں موسمیاتی تبدیلی کے باعث آئندہ دو روز تک یہ علاقے شدید طوفان کی زد میں آ سکتے ہیں۔

cyclone--mid

حکام نے طوفان کے باعث بدھ سے جمعہ تک سندھ اور بلوچستان کے ساحلی علاقوں میں تیز ہواؤں اور موسلادھار بارشوں کی پیش گوئی کی گئی ہے، سندھ اور بلوچستان کے صوبائی اداروں کو ساحلوں علاقوں اور سندھ کے زیریں علاقوں میں مقیم افراد کو محفوظ مقامات پر منتقل کرنے کی ہدایت کر دی گئی ہے۔

بحیرہ عرب میں بننے والا طوفان نیلوفر سندھ کے ساحلی علاقے بدین کو بھی متاثر کرسکتا ہے۔

ماہی گیروں کو پہلے ہی بدھ سے جمعہ تک کھلے سمندر میں نہ جانے کا انتباہ جاری کیا جا چکا ہے جب کہ لوگوں کو بھی ساحلی علاقے میں سمندر میں تیراکی سے باز رکھنے کے لیے حکام کو ہدایت کی جاچکی ہے۔

Comments

comments

یہ بھی پڑھیں