سمندری طوفان کی پیش گوئی، کراچی میں تیز بارشوں کا امکان -
The news is by your side.

Advertisement

سمندری طوفان کی پیش گوئی، کراچی میں تیز بارشوں کا امکان

کراچی: پاکستان محکمہ موسمیات کے مطابق بحیتہ عرب میں اٹھنے والے سمندری طوفان نیلوفر کے باعث کراچی میں تیز بارشوں کا امکان پیدا ہوگیا ہے۔ بحیرہ عرب میں اٹھنے والا طاقتور طوفان نیلوفر آئندہ چند روز میں پاکستان سے ٹکرائےگا۔ طوفان کے باعث کراچی اور ساحلی علاقوں میںتیس اور اکتیس اکتوبرکو تیز بارش ہو سکتی ہے۔

تفصیلات کے مطابق محکمہ موسمیات کا کہنا ہے کہ بحیرہ عرب میں اٹھنے والا طاقتور سمندری طوفان نیلوفر آئندہ چند روز میں پاکستان، بھارت اور عمان سے ٹکرانے کا خطرہ ہے۔ سمندری طوفان نیلوفر کے دوران ایک سو پچھترسے دو سو دس ناٹیکل میل فی گھنٹہ کی رفتار سے ہوائیں چلنے کا امکان ہے بھارت میں یہ طوفان گجرات سے ٹکرائے گا۔

محکمہ موسیات کے مطابق بحیرہ عرب میں پیدا ہو نے والا یہ طاقتور طوفان پاکستانی ساحلوں تک پہنچتے پہنچتے اپنا زور توڑ دے گا تاہم اس طوفان کے باعث کراچی سمیت سندھ کے دیگر ساحلی علاقوں میں تیز ہواوں کے ساتھ بارشوں کا امکان ہے۔ کراچی میں چوبیس سے اڑتالیس گھنٹوں کے دوران بارشیں شروع ہو سکتی ہے جبکہ ٹھٹھہ اور بدین میں بھی بارش کی توقع ہے۔

محکمہ موسمیات کے مطابق طوفان اور ہوائوں کے باعث کشتیاں الٹ سکتی ہیں جس کے باعث اٹھائیس سے اکتیس اکتوبر کے دوران ماہی گیروں کو سمندر میں جانےسے روک دیا گیا ہے۔

Comments

comments

یہ بھی پڑھیں