site
stats
سندھ

سندھ اسمبلی میں عمران خان کیخلاف مذمتی قرارداد جمع

کراچی : ایم کیوایم نے عمران خان کےخلاف سندھ اسمبلی میں مذمتی قراردادجمع کرادی۔ سندھ اسمبلی کا جلاس کورم پورانہ ہونے کی وجہ سے پیر تک ملتوی کر دیا گیا ۔

تفصیلات کے مطابق پاکستان تحریک انصاف کے سربراہ عمران خان کی جانب سے  ایم کیو ایم کے قائد الطاف حسین کیخلاف نازیبا الفاظ استعمال کرنے پرمتحدہ قومی مو منٹ نے سندھ اسمبلی میں مذمتی  قرار داد جمع کرادی ہے، مذکورہ قرارداد ایم کیوایم کے رہنما خواجہ اظہار الحسن نے جمع کروائی۔

قرار داد کے متن میں کہاگیاہے کہ عمران خا ن نےایم کیو ایم کے قائد الطاف حسین کیخلاف انتہائی نازیباالفاظ کا استعمال کئے ہیں جو کہ بالکل بھی برداشت نہیں کیا جائے گا ۔

قرار داد میں کہا گیاہے کہ تمام سیاسی جماعتیں عمران خان کے رویے اور ان کے نازیبا الفاظ کی ادائیگی پر کئی بار مذمت کر چکی ہیں۔بعد ازں  سندھ اسمبلی کا جلاس کورم پورانہ ہونے کی وجہ سے پیر تک ملتوی کر دیا گیا۔

علاوہ ازیں اسمبلی کے باہر میڈٰیا سے گفتگو کرتے ہوئےنثار کھوڑو نے کہا کہ سانحہ بارہ مئی کی جے آئی ٹی رپورٹ پر عدالت فیصلہ کرے گی۔ایک سوال کے جواب میں  نثار کھوڑو نے کہا کہ عمران خان نے کراچی میں ہونے والےجلسے میں زہرہ شاہد کے قتل کے حوالے سے کوئی بات نہیں کی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top