سندھ تقسیم کرنےکی خواہش پوری نہیں ہوگی، خورشیدشاہ -
The news is by your side.

Advertisement

سندھ تقسیم کرنےکی خواہش پوری نہیں ہوگی، خورشیدشاہ

کراچی/سکھر: پیپلز پارٹی کے رہنما اور قومی اسبملی میں قائد حزب اختلاف خورشید شاہ نے اے آر وائی سے خصوصی بات چیت کر تے ہو ئے کہا ہے کہ سندھ کی تقسیم کوبرداشت نہیں کیا جائےگا اور کسی کی بھی سندھ کو تقسیم کرنے کی خواہش پوری نہیں ہوگی۔

انھوں نے مزید کہا کہ اگرکوئی سندھ کوتقسیم کرنا چاہتاہےتواس کی خواہش پوری نہیں ہونےدیں گے۔

اپوزیشن لیڈرخورشید شاہ کا کہنا ہے کوئی مسلمان آقائے دو جہاں کی شان میں گستاخی نہیں کرسکتا۔ لوگ اپنے مقاصد پورے کرنے کے لیے مذہب کا استعمال کرتے ہیں۔ اپوزیشن لیڈرخورشید شاہ کا کہنا ہے سندھ پاکستان کا وہ صوبہ ہے جس نے قیام پاکستان کی قرارداد منظورکرائی۔

اے آر وائی سے خصوصی گفتگو میں انھوں نے کہا کہ بد قسمتی سے لوگ اپنے مقاصد کے حصول کے لیے مذہب کا استعمال کرتے ہیں۔ خورشید شاہ نے ایم کیوایم کو یہ بھی کہہ ڈالا کہ اب وہ مہاجرنہیں متحدہ قومی موومنٹ ہیں۔ اپوزیشن لیڈرکا کہنا تھا کہ وہ جنم جنم سےسندھی ہیں، آئندہ نسلیں بھی سندھی ہونگی۔

دوسری جانب سکھر میں قائم خورشیدشاہ کےگھر کی سیکورٹی انتہائی سخت کردی گئی۔

Comments

comments

یہ بھی پڑھیں