The news is by your side.

Advertisement

سندھ حکومت آنکھیں بند کئے بیٹھی ہے، عبدالرشید گوڈیل

اسلام آباد: ایم کیو ایم کے رکن قومی اسمبلی عبدالرشید گوڈیل نے کہا ہے کہ گذشتہ روز تین کارکن قتل کردیئے گئے، لیکن سندھ حکومت اور پولیس کی آنکھ نہیں کھل رہی۔

تفصیلات کے مطابق متحدہ قومی موومنٹ کے رہنما عبدالرشید گوڈیل نے پارلیمنٹ کے باہر میڈیا سے گفتگو میں سندھ حکومت کو کڑی تنقید کا نشانہ بنایا۔

رشید گوڈیل کا کہنا تھا کہ گزشتہ روز ایم کیو ایم کے تین کارکنان قتل کر دئیے گئے۔ مقتول کارکنوں کی لاشیں وزیراعلیٰ ہاؤس کے باہر لے جا کر احتجاج بھی کیا لیکن کوئی پوچھنے والا نہیں۔

ایم کیو ایم کے رہنما کا کہنا تھا کہ ہمارے کارکنوں کی لاشیں گرائے جانے کا سلسلہ اب بھی جاری   ہے، لیکن سندھ حکومت اور پولیس کی آنکھ نہیں کھل رہی۔

واضح رہے کہ گزشتہ روز بھی ایم کیو ایم سے تعلق رکھنے والے تین افراد کو فائرنگ کرکے ہلاک کردیا گیا، پولیس کے مطابق کراچی میں رضویہ تھانے کی حدود نیو گولیمار میں تقویٰ مسجد کے قریب نامعلوم مسلح موٹرسائیکل سواروں نے فائرنگ کردی، جس کے نتیجے میں محمد اشرف اور عبدالرحمان نامی شخص جاں بحق ہوگئے۔

ترجمان ایم کیو ایم کے مطابق جاں بحق ہونے والے دونوں افراد کا تعلق ایم کیو ایم سے تھا، اورنگی ٹاؤن کے علاقے مومن آباد میں نامعلوم افراد نے گاڑی پر فائرنگ کردی، جس کے نتیجے میں اشرف خان جاں بحق ہوگیا، مقتول ایم کیو ایم بلوچستان کمیٹی کے جوائنٹ انچارج تھے۔

Print Friendly, PDF & Email

Comments

comments

یہ بھی پڑھیں