site
stats
پاکستان

سندھ حکومت رینجرز کے اختیارات میں توسیع پرآمادہ ہے: چوہدری نثار

اسلام آباد: وفاقی وزیرِداخلہ چوہدری نثارعلی خان کا کہنا ہے کہ وزیراعلیٰ سندھ قائم علی شاہ سے بات چیت کے بعدامید ہے کہ رینجرز کے اختیارات میں توسیع کردی جائے گی۔

ان کا کہنا تھا کہ صوبائی حکومت اگررینجرز کے اختیارات میں توسیع کا فیصلہ نہیں کرتی تو وفاقی حکومت اپنی صوابدید استعمال کرتے ہوئے یومِ علیؓ کے موقع پر رینجرز کے اختیارات میں مزید 24 گھنٹے کی توسیع کی جاتی۔

ان کا کہنا تھا کہ وزیراعلیٰ اس معاملے میں گفتگو ہوچکی ہے اور امید ہے کہ سندھ حکومت کی جانب سے رینجرز کے اختیارات میں توسیع کی درخواست آجائے گی۔

ان کا مزید کہنا تھا کہ اگر سندھ حکومت اس معاملے پردرخواست نہیں کرتی تو پھررینجرز اپنی ذمہ داریاں انجام نہیں دے گی۔

ان کا کہنا تھا کہ رینجرز پاکستان کی فورس ہے اوراپنی تربیت سے ہٹ کرشہروں اورقصبوں میں اضافی ذمہ داریاں نبھا رہی ہے اسے بے یارومددگارنہیں چھوڑا جاسکتا ہے۔

ان کا کہنا تھا کہ گزشتہ کئی دنوں سے رینجرز کے بارے میں قیاس آرائیاں ہورہی تھیں اورایسا ماحول پیدا کیا جارہا تھا جیسے رینجرز کرائے کی فوج ہے۔

وزیرِ داخلہ نے مزید کہا کہ رینجرز کی کارکردگی کے بارے میں کسی کو جاننا ہے تو کراچی کے عوام اورتاجر سے پوچھے کس طرح رینجرز نے اپنی جان ہتھیلی پرڈال کرشہر میں بھتہ خوری اورٹارگٹ کلنگ کا خاتمہ کیا ہے۔

انہوں نے یہ بھی کسی بھی صوبائی ادارے کے دائرہ کار میں مداخلت نہیں کی جارہی ، ایف آئی اے اور رینجرز کے اختیارات میں توسیع ان معاملات میں کی گئی ہے جہاں صوبائی پولیس کاروائی نہیں کرسکتی۔

عمران فاروق قتل کیس کے متعلق انہوں نے انکشاف کیا ہے کہ ایک ملزم سے تفتیش مکمل ہوچکی ہے، جبکہ دو تک رسائی دینا باقی ہے۔ ان کا کہنا تھا کہ میٹروپولیٹن پولیس کہیں نہیں گئی بلکہ یہیں پاکستان میں موجود ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top