The news is by your side.

Advertisement

سندھ حکومت کو اپنے بجٹ سے ترقیاتی کام کرانے چاہیئں، اسحاق ڈار

کراچی : وفاقی وزیر خزانہ اسحاق ڈار نے کہا ہے کہ وفاقی حکومت نے صوبوں کو این ایف سی ایوارڈ میں مقررہ رقوم سے بھی ذیادہ رقم فراہم کردی ہے۔

اس لیے سندھ حکومت سرکلر ریلوے سمیت اپنے تمام منصوبوں کو مکمل کرے، جس طرح پنجاب حکومت نے اپنے فنڈز سے میٹرو بس سروس شروع کی ہے ۔

کراچی میں المصطفی  ویلفیئر سوسائٹی کے بلڈبینک کے افتتاح کے موقع پر میڈیا سے گفتگو کرتے ہوئے اسحاق ڈار کاکہنا تھا کہ وفاقی حکومت نے صوبوں کو ان کے حصے سے ذیادہ رقم دی ہے۔

سندھ کو تیرہ سو ارب کے بجائے سولہ سو ارب روپے دیئے گئے ہیں، وفاقی حکومت نے صوبوں کو ان کے حصے سے ذیادہ رقم دی ہے۔

سرکلر ریلوے کامنصوبہ سندھ حکومت خود بھی شروع کرسکتی ہے،لاہور اور پنڈی میٹروبس سروس پنجاب حکومت نے اپنے بجٹ سے شروع کیا ہے ۔

سندھ کو اپنے بجٹ سے اپنا ترقیاتی کام کرانا چاہیے، سندھ حکومت پر تنقید نہیں کرنا چاہتا،انہوں نے کہا کہ سندھ پاکستان کا دل ہے ، وفاق کیلئے سندھ کی اہمیت بھی پنجاب جتنی ہے۔

انہوں نے کہا کہ جس نے بھی پاکستان سے غداری کی ان کا نام و نشان نہیں ہے ،انہوں نے کہا کہ صوفیاء کرام کی دعائیں ہیں اس ملک کو کچھ بھی نہیں ہوگا، ہمارے خلاف سازشیں اگر کوئی کررہا ہے تو خدا کی منظوری کے سوا کچھ نہیں ہوسکتا۔

Print Friendly, PDF & Email

Comments

comments

یہ بھی پڑھیں