site
stats
اہم ترین

سندھ رینجرز کا کراچی میں کاروائیاں ختم کرنے کا اعلان

کراچی: رینجرز نے اختیارات کی مدت ختم ہونے کے سبب کراچی سمیت سندھ بھرمیں ٹارگٹڈ آپریشن ختم کرنے کا اعلان کردیا۔

تفصیلات کے مطابق رینجرز نے ضابطے کے مطابق متعلقہ حکام کو آگاہ کردیا ہے کہ اختیارات کی مدت ختم ہونے کے سبب رینجرزمزیدٹارگٹڈ آپریشن نہیں کرے گی۔

رینجرز حکام کی جانب سے یہ بھی کہا گیا کہ گرفتار ملزمان اور جرائم پیشہ افراد سے تفتیش کے دوران حاصل ہونے والی معلومات کی روشنی میں بھی چھاپے اورگرفتاریاں نہیں کی جائیں گی۔

رینجرز کی جانب سے یہ بھی کہا گیا ہے کہ یومِ علی کے موقع پررینجرزسندھ میں پولیس کے ساتھ مل کر سیکیورٹی کے فرائض انجام دے گی اور اس کے بعد سندھ بھرمیں اپنی سرگرمیاں محدود کردے گی۔

واضح رہے کہ سندھ حکومت کی جانب سے رینجرز کے اختیارات میں توسیع کامعاملہ تاخیر کا شکار ہے جس کے سبب رینجرز اب قانونی طور پر اپنی کاروائیاں جاری نہیں رکھ سکتی۔

واضح رہے کہ 90 کی دہائی میں سندھ حکومت کی درخواست پر کراچی سمیت سندھ بھرمیں رینجرزکو امن وامان کے قیام کے لئے تعینات کیا گیا تھا اور وقفے وقفے سے ان کی تعیناتی کی مدت میں توسیع کی جاتی رہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top