site
stats
پاکستان

سندھ میں پھانسیوں کا آغاز آج سے ہوگا

کراچی: آج کراچی ، سکھر، فیصل آباد اور راولپنڈی میں سات مجرموں کو سزائے موت دی جائےگی۔

کراچی میں سزائے موت کے قیدی بہرام خان کو صبح ساڑھے چھے بجے پھانسی دی جائے گی، بہرام خان نے دو ہزار تین میں سندھ ہائی کورٹ میں گھس کر وکیل کو قتل کیا تھا ۔سینٹرل جیل کراچی میں سنہ دو ہزار آٹھ کے بعد دی جانے والی یہ پہلی پھانسی ہے، سکھر سینٹرل جیل میں ساڑھےچھ بجے صبح تین مجرموں محمد طلحہ،خلیل احمد اور شاہد حنیف کو تختہ دار پر لٹکایا جائے گا،مجرموں پر وزارت دفاع کے ڈائریکٹر اور ڈرائیور کے قتل کا جرم ثابت ہو ا ہے۔

 ڈسٹرکٹ جیل فیصل میں پرویز مشرف اور مہران ایئربیس حملے میں ملوث نائیک نوازش علی اور مشتاق احمد کو پھانسی دی جائے گی، کراچی میں امریکی قونصل خانے پرحملے کے الزام میں سزائے موت کے قیدی ذوالفقارکے بلیک وارنٹ اڈیالہ جیل پہنچا دئے گئے ہیں اسے صبح ساٖڑھے چھ بجے تختہ دارپر لٹکایا جائے گا، تمام مجرموں کی ان کے اہل خانہ سے آخری ملاقات کر ا دی گئی ہے ، مختلف جیلوں میں مجرموںکی سزائے موت پر علمدرآمد کے موقع پر سیکورٹی انتظامات انتہائی سخت کئے گئے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top