کراچی: صوبائی وزیر بلدیات شرجیل میمن نےکہا ہے کہ سندھ کو ماڈل صوبہ بنائیں گے،عوام کو بہتر معیار زندگی، بہتر صحت اور اچھی تعلیم کےثمرات جلد ملنا شروع ہوجائیں گے۔
فرئیر پارک کراچی میں شجر کاری اورکلفٹن میں گرین بیلٹ پرتجاوزات کے خلاف آپریشن کے بعد میڈیا سے گفتگو میں شرجیل میمن کاکہنا تھا کہ کراچی کو گرین سٹی اور صوبے کو گرین صوبہ بنانےکی مہم ایک سال جاری رہے گی۔
مہم کے دوسرے مرحلے میں کے ایم سی کے زیر انتظام اسپتالوں، ڈسپنسریوں اور اسکولوں کا نظام بہتر بنایا جائےگا۔
- Advertisement -
ان کاکہنا تھا کہ سندھ بینک میں محکمہ بلدیات کےپچھتر ہزار ملازمین کےاکاوٗنٹس کھلوانے کاسلسلہ شروع کردیا جائےگااوریکم اپریل سےصرف ان ملازمین کو تنخواہیں دی جائیں گی، جن کے بائیو میٹرک اور فزییکل موجودگی میں اکاوٗنٹس کھلے ہوں گے۔
