سندھ کی تقسیم کی تجویز، بلاول بھٹو نے مسترد کردی -
The news is by your side.

Advertisement

سندھ کی تقسیم کی تجویز، بلاول بھٹو نے مسترد کردی

کراچی: پاکستان پیپلز پارٹی کے چیئرمین بلاول بھٹو زرداری نے سندھ کی تقسیم کی تجویز یکسر مسترد کردی ہے، انہوں نے لاڑکانہ سے الیکشن لڑنے کا اعلان بھی کیا ہے۔

پیپلزپارٹی کے سربراہ بلاول بھٹوزرداری نے سندھ کی تقسیم یکسرمسترد کرتے ہوئے کہا ہے کہ سندھ کی تقسیم کسی قیمت پر برداشت نہیں ، کسی کو اپنی سرزمین دہشت گردی کیلئے استعمال کرنے کی اجازت نہیں دے سکتے۔

بلاول بھٹو زرداری نے کراچی میں صحافیوں کے اعزاز میں ظہرانہ دیا، اس موقع پر پیپلزپارٹی کے سربراہ نے آئندہ انتخابات میں این اے دوسو سات رتوڈیرو سےالیکشن میں حصہ لینے کا بھی اعلان کیا۔

بلاول بھٹو زرداری نے بتایا کہ متاثرینِ سیلاب کے لئے ایک کروڑ مالیت کا امدادی سامان بھیجا جا رہا ہے، ان کا کہنا تھا کہ ملک سیلاب جیسی قدرتی آفت کا شکار ہے، ایسی صورتحال میں دھرنے صرف انا کا مسئلہ محسوس ہوتے ہیں۔

بلاول بھٹو زرداری نے حکومت سے سابق وزیرِاعظم یوسف رضا گیلانی کے بیٹے حیدر گیلانی کوفوری طور پر رہا کرانے کا مطالبہ کیا، سندھی طالبان کے حوالے سے سوال کے جواب میں بلاول بھٹو کا کہنا تھا کہ سندھی طالبان کا وجود نہیں، یہ لفظ میری سمجھ سے باہر ہے۔

Comments

comments

یہ بھی پڑھیں