سندھ کے عوام سے کیا گیا ہروعدہ پورا کریں گے،شرجیل میمن -
The news is by your side.

Advertisement

سندھ کے عوام سے کیا گیا ہروعدہ پورا کریں گے،شرجیل میمن

کراچی : وزیراطلاعات و بلدیات سندھ شرجیل انعام میمن نے کہا ہے کہ کراچی سمیت سندھ بھر کے عوام سے کیا گیا وعدہ پورا کرکے ہی دم لیں گے۔

پورے صوبے کو سرسبز، صاف ستھرا اور عوام کے بنیادی مسائل کے حل کے لئے ہرا قدام کو بروئے کار لایا جارہا ہے۔

ان خیالات کا اظہار انہوں نے محکمہ باغات، کے ایم سی کے زیر اہتمام فرئیر پارک میں منعقدہ فلاور شو کے افتتاح کی تقریب سے خطاب اور میڈیا سے گفتگو کرتے ہوئے کیا۔

شرجیل میمن کاکہنا تھا کہ عوام بھی پورے صوبے کو پھولوں اور پودوں سے بھر دیں تو نفرتوں کا بھی خاتمہ ہوگا اور محبتوں میں اضافہ ہوگا۔

کراچی کے بعد اب سندھ کے دیگر اضلاع کا ہفتہ کے روز سے دورہ شروع کررہا ہوں اور دو روز تک میں سندھ کے دیگر اضلاع میں ”صاف اور سرسبز سندھ، پرامن سندھ“ مہم کو کامیاب بنانے کے لئے تمام اقدامات کئے جائیں گے۔

ایم کیو ایم اور پیپلز پارٹی کے مابین مذاکرات کا سلسلہ جاری ہے اور ہم افہام و تفہیم کے ساتھ تمام معاملات کو آگے لے جارہے ہیں۔

شرجیل انعام میمن نے کہا کہ یہ نمائش ”صاف اور سرسبز سندھ، پرامن سندھ“ مہم کا حصہ ہے اور اسے کے ایم سی کے محکمہ باغات کی نرسری میں تیار کئے گئے پودوں سے لگائی گئی ہے۔

انہوں نے کہا کہ یہ نمائش تین روز کے لئے منعقد کی جانی تھی لیکن اس نمائش اور اس میں لگے پھولوں کو دیکھ کر میں نے اس نمائش کو ایک ہفتہ تک عوام کے لئے کھلی رکھنے کی ہدایات دی ہیں تاکہ لوگوں میں اس کا شوق اور اس کے باعث محبتوں میں اضافہ ہو۔

کے ایم سی کی ہیلپ لائن 1339 کو فعال کردیا گیا ہے وہاں واٹر بورڈ کی جانب سے 24 گھنٹے شکایتی سیل بھی قائم کردیا گیا ہے۔

انہوں نے کہا کہ سندھ حکومت نے سب سے پہلے اس پر قانون سازی کی لیکن عدالتوں میں معاملہ جانے کے بعد یہ معاملہ تعطل کا شکار ہوا۔

البتہ اب وفاق کی جانب سے آئین میں ترمیم کے بعد نئی حلقہ بندیاں الیکشن کمیشن نے کرنی ہے اور جب یہ اپنا کام پورا کرلیں گی تو ہم انتخابات کے لئے تیار ہیں۔

انہوں نے کہا کہ ہمارے لئے آج اس طرح کے افسرا ن اور گھوسٹ ملازمین بڑا مسئلہ بنے ہوئے ہیں اور اس سے نبردآزما ہونے کے لئے ہم اقدامات کررہے ہیں۔

انہوں نے کہا کہ ہم کراچی اور سندھ کے عوام کو ایک سال کے اندر اندر بڑی تبدیلیاں کرکے دکھائیں گے اور عوام اب تبدیلیاں دیکھیں گے۔

Comments

comments

یہ بھی پڑھیں