The news is by your side.

Advertisement

سندھ ہائیکورٹ: ذوالفقارمرزا کی سیکورٹی سے متعلق دائر درخواست کی سماعت

کراچی: سندھ ہائیکورٹ میں ذوالفقار مرزا کی سیکورٹی سے متعلق دائر درخواست کی سماعت 29 مئی تک ملتوی کردی۔

سندھ ہائیکورٹ کے جسٹس سجاد علی شاہ پر مشتمل دو رکنی ڈویژنل بنچ کی عدالت میں ذوالفقار مرزا کی جانب سے وکیل اشرف سمو نے درخواست دائر کی کہ جس میں ان کا مؤقف تھا کہ فریال تالپور اور دیگر وزراء کو بھی سیکورٹی فراہم کی گئی ہے لیکن ان کو سیکورٹی فراہم نہیں کی جا رہی اور ان کی جان کو شدید خطرات لاحق ہیں۔

اسی درخواست میں فریال تالپور نے فریق بنتے ہوئے اپنا مؤقف اختیار کیا تھا کہ ان کو دی جانے والی سیکورٹی عدالتی حکم پر دی گئی تھی ذوالفقار مرزا بلا جواز ان پر تنقید نہ کریں۔

گزشتہ سماعت میں آئی جی سندھ پولیس اور ہوم سیکریٹری نے اپنا جواب عدالت میں جمع کروا دیا تھا، آج ہونے والی سماعت کے موقع پر ذوالفقار مرزا کے وکیل اشرف سمو نے عدالت سے استدعا کی کہ ان دونوں رپورٹوں میں اعتراضات سے متعلق مہلت دی جائے۔

عدالت نے فریال تالپور کی درخواست ڈاکٹر ذوالفقار مرزا کو بھی نوٹس جاری کرتے ہوئے سماعت 29 مئی تک ملتوی کر دی۔

Comments

comments

یہ بھی پڑھیں