The news is by your side.

Advertisement

سندھ ہائی کورٹ: بحریہ ٹاون فلائی اووراور انڈر پاس پر حکم امتناعی ختم

کراچی : سندھ ہائی کورٹ نے بحریہ ٹاون فلائی اوور اور انڈر پاس پر حکم امتناعی ختم کردیا ہے۔

سندھ ہائیکورٹ نے بحریہ ٹاؤن کو کراچی میں کلفٹن انڈر پاس اور فلائی اوور پر کام شروع کرنے کی اجازت دےدی، سندھ ہائی کورٹ میں کلفٹن انڈر پاس اور فلائی اوور سے متعلق مقدمے کی سماعت ہوئی، جسٹس منیب اختر نے وکلا کے دلائل سننے کے بعد فیصلہ سناتے ہوئے منصوبوں کی تعمیر پر حکم امتناع ختم کردیا اور بحریہ ٹاؤن کو کلفٹن انڈر پاس اور فلائی اوور پر تعمیراتی کام دوبارہ شروع کرنے کی اجازت دےدی۔

سندھ ہائی کورٹ میں درخواست دائر کی گئی تھی، جس میں بحریہ ٹاون کی جانب سے فلائی اوور اور انڈ پاس کی تعمیر کو غیر قانونی قرار دیتے ہوئے اس کی تعمیرروکنے کی استدعا کی گئی تھی۔

درخواست میں یہ بھی کہا گیا تھا کہ انڈ پاس اور فلائی اوورز کی تعمیر کے باعث ماحولیاتی آلودگی پھیلنے کا اندیشہ ہے۔

عدالت میں جمع کرائی گئی رپورٹ میں ماحولیاتی آلودگی پھیلنے کے خدشے کومسترد کردیا گیا، کلفٹن کے مرکزی علاقے میں واقع اِن منصوبوں پرطویل عرصے سےکام رکا رہا ہے، جس سے شہریوں کو شدید پریشانی کا سامنا کرنا پڑا، خاص طور پر عبداللہ شاہ غازی کے مزار پر آنے والے زائرین کو دشواریوں کا سامنا رہا۔

شہری اس منصوبے کی جلد تکمیل کے لئے مظاہرے کرکے احتجاج بھی ریکارڈ کراتے رہے ہیں، اب عدالتی فیصلے کے بعد امید ہےمنصوبے جلد تکمیل کو پہنچیں گے۔

Print Friendly, PDF & Email

Comments

comments

یہ بھی پڑھیں