سنسناٹی ماسٹرزٹینس: راجرفیڈرراوراینڈی مرے کوارٹرفائنل میں -
The news is by your side.

Advertisement

سنسناٹی ماسٹرزٹینس: راجرفیڈرراوراینڈی مرے کوارٹرفائنل میں

اوہایو :سابق عالمی نمبر ایک سوئٹزرلینڈ کے راجر فیڈرر اور برطانیہ کے اینڈی مرے سنسناٹی ماسٹرز ٹینس ٹورنامنٹ کے کوارٹرفائنل میں پہنچ گئے۔ ٹاپ سیڈ سربیا کے نوواک جوکووچ شکست کے بعد ایونٹ سے باہر ہوگئے ،اوہایو میں جاری ٹورنامنٹ کے تیسرے راؤنڈ کے میچ میں ریکارڈ گرینڈ سلم ونر سوئٹزرلینڈ کے راجر فیڈرر نے فرانس کے گیل مونفلس کو تین سیٹ کے مقابلے کے بعد زیر کیا۔

ابتدائی دو سیٹس تک مقابلہ ایک ایک سے برابر تھا۔ فیصلہ کن سیٹ میں سوئس کھلاڑی نے عمدہ کھیل پیش کرتے ہوئے میچ اپنے نام کرلیا۔ فیڈرر کی فتح کا اسکور چھ چار، چار چھ اور چھ تین رہا۔ کوارٹرفائنل میں فیڈرر کا مقابلہ برطانیہ کے اینڈی مرے سے ہوگا۔ مرے نے تیسرے راؤنڈ کے میچ میں امریکہ کے جان اسنر کو تین سیٹ کے سنسنی خیز مقابلے کے بعد چھ سات، چھ چار اور سات چھ سے زیر کیا۔

تیسرے راؤنڈ کے ایک اور میچ میں ٹاپ سیڈ سربیا کے نوواک جوکووچ کو اسپین کے ٹامی روبریڈو نے اپ سیٹ کردیا۔ اسپینش کھلاڑی نے جوکووچ کو سات چھ اور سات پانچ سے قابو کیا۔

Comments

comments

یہ بھی پڑھیں