The news is by your side.

Advertisement

سن 2050ء تک دنیا کی آبادی نو ارب نفوس پر مشتمل ہو گی، عاطف اکرام شیخ

اسلام آباد چیمبر آف کامرس اینڈ انڈسٹری کے صدر عاطف اکرام شیخ نے کہا ہے کہ عوام کو غربت، افلاس اور بھوک سے نجات دلا کر فوڈ سیکورٹی یقینی بنانا دنیا کے تمام ممالک کی ذمہ داری ہے ۔

کاروباری برادری سے خطاب کرتے ہوئے انہوں نے کہا کہ سب سے زیادہ ذمہ داری سارک ممالک پر عائد ہوتی ہے ، جہاں دنیا کی غریب عوام کی اکثریت بستی ہے ، جن میں سے بیس فیصد غریب ترین ہیں جبکہ افریقہ میں غریب ترین افراد کی تعداد دس فیصد ہے۔

 انہوں نے کہا کہ مناسب ، سستی اور صحت بخش خوارک تک رسائی ہر شخص کا بنیادی حق ہے،عاطف اکرام شیخ نے کہا کہ ورلڈ بینک کی تازہ ترین رپورٹ میں انکشاف کیا گیا ہے کہ 2050 تک دنیا کی آبادی نو ارب نفوس پر مشتمل ہو گی جن کا پیٹ بھرنے کیلئے دنیا کی موجودہ پیداوار میں پچاس فیصد اضافہ کرنا ہوگا۔

پیداوار میں اضافہ موجودہ طور طریقوں سے اور کاشتکاروں کو تحفظ دئیے بغیر ناممکن ہے اسی لئے ترقی یافتہ ممالک عالمی قوانین کی خلاف ورزی میں زرعی شعبہ کو اربوں ڈالر کی خفیہ سبسڈی دیتے ہیں۔

Print Friendly, PDF & Email

Comments

comments

یہ بھی پڑھیں