The news is by your side.

Advertisement

عمران خان کا سول نافرمانی کا اقدام لاہور ہائیکورٹ میں چیلنج

لاہور: عمران خان کے جانب سے سول نافرمانی کے اقدام کو لاہور ہائیکورٹ میں چیلنج کردیا گیا۔

یہ درخواست کاشف محمود ایڈووکیٹ کی جانب سے دائر کی گئی ہے۔ درخواست میں کہا گیا ہے کہ سول نافرمانی کا اقدام ریاست اور آئین پاکستان کے ساتھ  بغاوت کے زمرے میں آتا ہے، عمران خان نے سول نافرمانی کا اعلان کرکے شہریوں کو بغاوت کرنے پر اکسایا اور ریاستی مشینری کو مفلوج کرنے کا منصوبہ بنایا ہے۔

درخواست میں کہا گیا ہے کہ عمران خان کے سول نافرمانی کے اقدام سے قوم میں مایوسی پھیلی ہے اور جمہوری قوتیں اس اقدام کو احمکانہ قرار دے چکے ہیں ۔

درخواست گزار نے موقف اختیار کیا ہے کہ چیئرمین پاکستان تحریک انصاف کےاعلان سے ملک میں خانہ جنگی کا خدشہ پیدا ہوگیا ہے، عدالت عالیہ عمران خان کو ریڈ زون میں داخلے سے روکنے کے احکامات جاری کرے اور سول نافرمانی کے اعلان پر عمران خان کا ذہنی معائنہ کرایا جائے۔

درخواست میں استدعا کی گئی ہے کہ عمران خان کے سول نافرمانی کے اقدام کو کالعدم قرار دیا جائے اور انہیں قانون کا احترام کرنے کے احکامات بھی صادر کئے جائیں۔

Print Friendly, PDF & Email

Comments

comments

یہ بھی پڑھیں