سونے کی درآمدات میں 43.48 فیصد کمی -
The news is by your side.

Advertisement

سونے کی درآمدات میں 43.48 فیصد کمی

 گزشتہ مالی سال 2013-14ءکے گیارہ مہینوں جولائی تا مئی 2013-14ءکے دوران مالی سال 2012-13ءکے اسی عرصہ کے مقابلہ میں سونے کی ملکی درآمدات میں 43.48 فیصد کی نمایاں کمی واقع ہوئی ، ادارہ برائے شماریات پاکستان (پی بی ایس) کے اعداو شمار کے مطابق گزشتہ مالی سال میں جولائی 2013ءتا مئی 2014ءکے دوران 172.950 ملین ڈالر مالیت کا 4 ہزار 177 کلو گرام سونا درآمد کیا گیا

جبکہ اس سے پچھلے مالی سال 2012-13 کے اسی عرصہ کے دوران سونے کی ملکی درآمدات کا حجم 5 ہزار 740 کلو گرام تھا ، جس کی مالیت 306.005 ملین ڈالر تھی، رپورٹ کے مطابق دھاتوں کے گروپ کی مجموعی ملکی درآمدات میں 9.26فیصد کی کمی ریکارڈ کی گئی اور جولائی تا مئی 2013-14ءکے دوران 2.7438 ارب ڈالر کی دھاتیں درآمد کی گئیں

جبکہ اسی سے پچھلے مالی سال میں پہلے گیارہ ماہ کے دوران دھاتوں کے گروپ کی مجموعی ملکی درآمدات کا حجم 3.024 ارب ڈالر تھا جبکہ آئرن اور سٹیل کے سکریپ کی درآمدات میں 11.43 فیصد اضافہ ہوا ہے اور گزشتہ مالی سال میں جولائی تا مئی کے دوران 669-551 ملین ڈالر کا سکریپ درآمد کیا گیا ، گذشتہ سے پیوستہ سال 600.847 ملین ڈالر کا سکریپ درآمد کیا گیا تھا۔

Comments

comments

یہ بھی پڑھیں