لاہور: پی سی بی کے سابق چیئرمین نجم سیٹھی نے پاکستان سپرلیگ بڈ کمیٹی کی سربراہی سے معذرت کرلی ہے۔
تفصیلات کے مطابق نجم سیٹھی کو پاکستان کرکٹ بورڈ کے بورڈ آف گورنرز نے پاکستان سپر لیگ کی چھ رکنی کمیٹی کا سربراہ مقرر کیا تھا لیکن نجم سیٹھی نے اس کمیٹی کی سربراہی سے معذرت کی ہے۔
انکاکہنا ہے کہ یہ بہت اہم ذمہ داری ہے جس کو وہ وقت کی کمی کے باعث صحیح طریقے سے نبھا نہیں سکیں گے اوروہ مالی معاملات اورمعاہدوں میں بھی الجھنا نہیں چاہتے۔
نجم سیٹھی کا کہنا تھا کہ ان پربھروسے کا اظہارکرنے کے لئے وہ بورڈ آف گورنرز کا شکریہ ادا کرتے ہیں۔
واضح رہے کہ گزشتہ روز پی سی بی نے انڈین پریمئیر لیگ کی طرز پر ایونٹ کے منصوبے کو عملی جامہ پہنانے کے لئے چھ رکنی کمیٹی قائم کی تھی۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
