site
stats
بزنس

سپریم کورٹ نے او جی ڈی سی ایل کی نجکاری کی اجازت دیدی

اسلام آباد: سپریم کورٹ آف پاکستان نے او جی ڈی سی ایل کی نجکاری کی اجازت دے دی ہے۔

سپریم کورٹ نے او جی ڈی سی ایل کی نجکاری کا عمل جاری رکھنے کا فیصلہ جاری کر دیا ہے، اعلیٰ عدالت نے او جی ڈی سی ایل کے حصص کامیاب بولی دینے والے کو منتقل کرنے کی اجازت دے دی ہے۔

مقدمے کی سماعت جسٹس ناصر الملک کی سر براہی میں تین رکنی بینچ نے کی، عدالت نے عبوری حکم میں کہا کہ حصص کے فروخت سے حاصل ہونیوالی رقم مشترکہ مفادات کونسل کے فنڈ میں جمع کرائی جائے۔

مقدمہ کے حتمی فیصلے تک وفاقی حکومت یہ رقم استعمال کرنے کی مجاز نہیں ہوگی، سماعت تین ہفتوں کیلئے ملتوی کر دی گئی ہے۔

حکومت کو او جی ڈی سی ایل کی فروخت سے اسی کروڑ ڈالر ملنے کی امید ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top