کراچی: پاکستان کو سکوک بانڈز کے ایک ارب ڈالر مل گئے ہیں جس سے زرمبادلہ کے ذخائر چودہ ارب کی سطح عبور کر گئے ہیں ۔
اسٹیٹ بینک کے مطابق حکومت کو سکوک بانڈز کی مد میں ایک ارب ڈالر موصول ہوگئے ہیں جس کے بعد زرمبادلہ کے ذخائرچودہ ارب بیس کروڑ ڈالر کی سطح پر پہنچ گئے، پانچ سالہ سکوک بانڈز پر سرمایہ کاروں کو چھ اعشاریہ سات پانچ فیصد منافع دیا جائے گا۔
وزارت خزانہ کے حکام کا کہنا ہے کہ حکومت کو دسمبر کے وسط میں آئی ایم ایف سے ایک ارب دس کروڑ ڈالر بھی ملنے کا امکان ہے جس کے بعد دسمبر کے اختتام تک ملکی زرمبادلہ ذخائر پندرہ ارب ڈالر سے تجاوز کر سکتے ہیں۔
