The news is by your side.

Advertisement

سکھر: بیٹے کی سگی ماں کوکاری قراردے کر قتل کرنے کی کوشش

سکھر: ظالم شوہر اور بیٹے نے مل کر پیسوں کے لئے ماں کو کاری قرار دینے کی کوشش کی ، متاثرہ خاتون انصاف کے لئے سکھر پریس کلب پہنچ گئی۔

خان پور کی مکین متاثرہ خاتون مسماة قادر شر لالچی شوہر اور بیٹے کے خلاف سکھر پریس کلب میں خون کے آنسو رو پڑی۔

خاتون نے صحافیوں کو بتایا کہ میرا شوہر اور بیٹا پیسوں کی لالچ میں رشتہ ہی بھلا بیٹھے۔ مسماة خاتون نے بتایا کہ میرے شوہر اور بیٹے نے برادری کے لطیف شر سے سات لاکھ روپے مانگے تھے۔

ان کا مزید کہنا تھا کہ پیسے نہ ملنے پر انکے بیٹے اورشوہر نے انہیں لطیف کے ساتھ کاری قرار دے کر مارنے کی کوشش کی۔

واضع رہے کہ جس کے ساتھ خاتون کو کاری قرار دیاگیا ہے وہ ان کے بیٹے کی عمر کا ہے۔

خاتون نے بتایا کہ وہ ہائی کورٹ تک گئی مگر مایوسی ہی ملی۔ انہوں نے حکام بالہ سے تحفظ کی اپیل کرتے ہوئے کہا کہ ان کی جان کو خطرہ ہے، ایک قاتلانہ حملہ ہو چکا ہے لہذا انہیں تحفظ فراہم کیا جائے ۔

Print Friendly, PDF & Email

Comments

comments

یہ بھی پڑھیں