The news is by your side.

Advertisement

سہیل انور نے وزیر داخلہ سندھ کے عہدے کا حلف اٹھا لیا

کراچی: لاڑکانہ سے پیپلز پارٹی کے رکن سندھ اسمبلی سہیل انور سیال نے وزیر داخلہ سندھ کا حلف اٹھا لیا۔

حلف برداری کی تقریب گورنر ہائوس میں منعقد کی گئی، تقریب میں گورنر سندھ ڈاکٹر عشرت العباد خان ، وزیر اعلی سندھ سید قائم علی شاہ ، صوبائی وزراء، چیف سیکریٹری اور دیگر حکام نے شرکت کی ۔

سہیل انور سیال سے وزارات کا حلف گورنر سندھ نے لیا،واضح رہے کہ سندھ میں گذشتہ چار سال سے وزیر داخلہ کا قلمدان وزیر اعلی سندھ سید قائم علی شاہ کے پاس تھا۔

تاہم حکومت نے لاڑکانہ سے رکن سندھ اسمبلی سہیل انور سیال کو وزیر داخلہ سندھ مقرر کرنے کا فیصلہ کیا تھا،سہیل انور سیال کو وزیر جیل خانہ جات کا اضافی قلمدان بھی سونپا گیا ہے،جسکا نوٹی فکیشن جاری کردیا گیا۔

 اس سے قبل یہ قلمدان منظور وسان کے پاس تھا ۔سہیل انور سیال ممبر قومی اسمبلی فریال تالپور کے قریبی ساتھیوں میں ہیں۔سہیل انور سیال پی ایس 37لاڑکانہ سے رکن اسمبلی منتخب ہوئے تھے۔

Comments

comments

یہ بھی پڑھیں