site
stats
پاکستان

سیاسی بحران، صدرممنون حسین کی وزیراعظم نوازشریف سے ملاقات

اسلام آباد: سیاسی صورتحال میں کشیدگی کے بعد اسلام آباد میں اجلاس اور ملاقاتوں کا سلسلہ تیز ہوگیا۔

اسلام آباد میں سیاسی منظر نامے پر غور کرنے کیلئے قومی اسمبلی کے اجلاس سے قبل وزیراعظم نے مشاورتی اجلاس طلب کیا، وزیراعظم نواز شریف نے صدر سے ملاقات بھی کی ، ملاقات میں سیاسی بحران پر تبادلہ خیال کیا گیا۔

ملاقات میں دونوں نے اس بات پر اتفاق کیا کہ جمہوریت کی خاطر ہر قسم کی قربانی دیں گے، صدر ممنون حسین نے وزیر اعظم کو مشورہ دیا کہ وہ کسی بھی حال میں مستعفی نہ ہوں۔

وزیراعظم نوازشریف آج قومی اسمبلی کے اجلاس سے خطاب کریں گے، اسمبلی اجلاس میں آج ہونے والا وزیر اعظم نواز شریف کا خطاب انتہائی اہمیت کا حامل ہوگا، جس میں وہ ایوان اور قوم کو آزادی و انقلاب مارچ سے متعلق تمام تر صورتحال سے آگاہ کے ساتھ اعتماد میں لیں گے۔وزیراعظم نوازشریف ایوان کو تحریک انصاف اور پاکستان عوامی تحریک سے مذاکرات سے بھی آگاہ کریں گے۔

واضح  رہے کہ صدر ممنون حسین اور وزیراعظم نواز شریف کے درمیان یہ ملاقات اس صورتحال میں ہورہی ہے جب آج شام حکومت اور تحریک انصاف کے درمیان مذاکرات کا دوسرا دور شروع ہونے جارہا ہے۔

۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top