site
stats
پاکستان

سیاسی جماعتیں فوج کو متنازعہ نہ بنائیں، عابد شیرعلی

ملتان: وزیر مملکت پانی و بجلی عابد شیر علی نے کہا ہے کہ آزادی مارچ کے حوالے سے حکومت کسی قسم کی بوکھلاہٹ کا شکار نہیں۔

ملتان ایئر پورٹ پر میڈیا سے گفتگو کرتے ہوئے عابد شیرعلی کا کہنا تھا کہ جمہوریت کو ڈی ریل کرنے کی سازش نہ کی جائےانتشار پھیلانے کی بجائے تمام مسائل کا حل مل بیٹھ کر نکا لنا چاہیئے، انہوں نے کہا کہ آزادی مارچ کے حوالے سے حکومت کسی قسم کی بوکھلاہٹ کا شکار نہیں۔جہموریت کے خلاف سازشوں کا مقابلہ تمام جمہوری قوتیں مل کر کریں گی۔

عابد شیر علی نے ایک سوال کے جواب میں کہا کہ آرٹیکل 245 کسی سیاسی مقصد کے لیے نہیں لگایا اور نہ ہی فوج کو کسی سیاسی مقصد کیلئے استعمال کریں گے، فوج کو متنازعہ نہ بنایا جائے، ان کا مزید کہنا تھا کہ عوام چوہدری برادران کو مسترد کر چکی ہے، وہ اپنی سیاسی بقا کے لئے واویلا مچا رہے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top