سیالکوٹ میں پی ٹی آئی کے ڈپٹی سیکریٹری کے گھر پر چھاپہ، لاہور میں 11گرفتار -
The news is by your side.

Advertisement

سیالکوٹ میں پی ٹی آئی کے ڈپٹی سیکریٹری کے گھر پر چھاپہ، لاہور میں 11گرفتار

سیالکوٹ: سیالکوٹ میں پولیس کی جانب سے پاکستان تحریک انصاف کے مرکزی ڈپٹی سیکریٹری عمر ڈار کے گھر پر چھاپہ مارا گیا ہے جبکہ لاہور میں عمران خان کی سالگرہ کا کیک کاٹنے کی تقریب میں پولیس نے چھاپہ مار کر گیارہ کارکنوں کو گرفتا کرلیا ہے۔

تفصیلات کے مطابق سیالکوٹ میں رات گئے پولیس نے پاکستان تحریک انصاف کے مرکزی ڈپٹی سیکریٹری عمر ڈار کے گھر کا محاصرہ کر لیا تھا۔ زرائع کے مطابق عمر ڈار کے گھر پر چھاپہ پی ٹی وی حملے میں ملوث ہونے کے شبہے میں مارا گیا تھا۔

پولیس کے چھاپے کے حوالے سے عمر ڈار کا کہنا ہے کہ پولیس چھاپے کا مقصد تیس نومبر کے جلسے کو روکنا ہے تاہم حکومت کارکنوں کے گھروں میں چھاپے مارکر تیس نومبر کے سونامی کو نہیں روک سکتی۔

دوسری جانب پارٹی کارکنوں کے مطابق لاہور کے علاقے ڈھولنوال میں پی ٹی آئی کے کارکن اپنے قائد کی سالگرہ کا کیک کاٹ رہے تھے کہ تقریب میں پولیس نے چھاپہ مار کر گیارہ کارکنوں کو گرفتار کر کے لڑائی جھگڑے کا مقدمہ بھی درج کرلیا ہے۔

پارٹی کارکنوں کا کہنا ہے کہ وہ اپنے قائد کی سالگرہ کا جشن منا رہے تھے کہ ن لیگ کے کارکنون نے ان پر دھاوا بول دیا تھا اور پولیس نے موقع پر پہنچ کر ن لیگ کے کارکنوں کو گرفتار کرنے کے بجائے پی ٹی آئی کے ہی گیارہ کارکنوں کو گرفتار کر کے مقدمہ درج کر لیا ہے۔

Comments

comments

یہ بھی پڑھیں