The news is by your side.

Advertisement

سیلاب سے متاثرہ علاقوں میں فوج کی امدادی کارروائیاں جاری

پنجاب: سیلاب سے متاثرہ علاقوں میں بڑے پیمانے پر فوج کی امدادی کارروائیاں جاری ہیں، آئی ایس پی آر کے مطابق پاک فوج نے گوجرانوالہ ڈویژن میں چوّن ریلیف اورتہتر ہیلتھ کیمپ قائم کیے ہیں۔

پنجاب میں سیلابی ریلوں نے بڑے پیمانے پر تباہی مچا رکھی ہے، سیکڑوں دیہات پانی کی نذر ہوئے تو ہزاروں افراد بے گھر ایسے میں ہر دم تیار پاک فوج کے جوان اپنے عزیز ہم وطنوں کی مدد کو پہنچے اور امدادی کارروائیاں شروع کردیں ۔

متاثرہ علاقوں میں پاک فوج کا ریلیف آپریشن جاری ہے، ملتان ڈیرہ غازی خان، ساہیوال، تریموں ہیڈ ورکس میں پاک فوج کے جوان سیلاب میں پھنسے لوگوں کو نکالنے میں مصروف ہیں ۔

آئی ایس پی آر کے مطابق پاک فوج نے گوجرانوالہ ڈویژن میں چوّن ریلیف اور تہتر ہیلتھ کیمپ قائم کیے ہیں، کیمپوں میں متاثرین کو کھانے پینے کی اشیاء اور طبی امداد دی جارہی ہے۔

بجوات اور چپراڑ سے پانچ سو افراد کو محفوظ مقام پر منتقل کیا گیا ہے، ریلیف آپریشن میں اب تک مجموعی طور پر ساڑھے چھ ہزار افراد کو محفوظ مقام پر منتقل کیا جا چُکا ہے، امدادی سرگرمیوں میں تین سو کشتیاں اور آرمی کے سولہ ہیلی کاپٹرز بھی حصہ لے رہے ہیں۔

Print Friendly, PDF & Email

Comments

comments

یہ بھی پڑھیں