سینٹ انتخابات کے لئے کاغذات نامزدگی پر اپیلوں پر عمل مکمل -
The news is by your side.

Advertisement

سینٹ انتخابات کے لئے کاغذات نامزدگی پر اپیلوں پر عمل مکمل

اسلام آباد: الیکشن کمیشن نے سینٹ انتخابات کے لئے کاغذات نامزدگی پر اپیلوں پر عمل مکمل کرلیا ہے، لیگی امیدوار راحیلہ مگسی کے کاغذات نامزدگی مسترد کردئیے گئے ہیں۔

الیکشن کمیشن نے مسلم لیگ ن کی امیدوار راحیلہ مگسی کے کاغذات نامزدگی آرٹیکل باسٹھ اور ترسٹھ کے تحت مسترد کردئیے ہیں، اعتراضات پیپلز پارٹی کی نرگس فیض ملک نے داخل کئے تھے۔

ن لیگ کے پرویز رشید، راجہ ظفر الحق اور چوہدری تنویر کے کاغذات نامزدگی منظور کرلیے گئے ہیں، ان کے خلاف اعتراضات مسترد کردیئے گئے۔

الیکشن کمیشن نے رحمان ملک اور پروفیسر ساجد میر کے کاغذات نامزدگی بھی منظور کرلیے۔ الیکشن کمیشن نے گیارہ درخواستوں پر فیصلے محفوظ کیے تھے۔

دو روز سماعت کے دوران کمیشن نے تیس درخواستوں اور کاغذات نامزدگی کی سماعت کی۔ سینیٹ انتخابات کیلئے منیر اورکزئی، کامران خان، حافظ رشید سمیت فاٹا کے اٹھارہ امیدواروں کے کاغذات بھی منظور کیے۔

پنجاب سے مسلم لیگ ن کے سعود مجید کے کاغذات نامزدگی کی منظوری بھی دی گئی ۔ امیدوار کاغذات نامزدگی آج واپس لے سکیں گے ، حتمی فہرست بھی آج ہی جاری کی جائے گی۔

Comments

comments

یہ بھی پڑھیں