سینیٹ الیکشن:سندھ کی گیارہ نشستوں کیلئے پچیس درخواستیں موصول -
The news is by your side.

Advertisement

سینیٹ الیکشن:سندھ کی گیارہ نشستوں کیلئے پچیس درخواستیں موصول

کراچی : صوبہ سندھ میں سینیٹ کی گیارہ نشستوں کیلئے کاغذات نامزدگی جمع کرانے کے آخری دن پاکستان پیپلزپارٹی کی تین امیدواروں نے فارم جمع کرائے ۔

سینئر صوبائی وزیر نثار کھوڑو اور ڈپٹی اسپیکر سندھ اسمبلی شہلا رضا کے ہمراہ پیپلزپارٹی کے امیدوار الیکشن کمیشن پہنچے اور صوبائی الیکشن کمشنر سندھ ایس ایم طارق قادری کے دفتر میں شمع مٹھانی،سرفراز راجڑ اور دوست علی جیسر نے کاغذات نامزدگی جمع کرائے۔

،صوبائی الیکشن کمیشن کے مطابق سندھ کی گیارہ خالی نشستوں کیلئے ابتک مجموعی طور پر پچیس درخواستیں موصول ہوچکی ہیں جبکہ کاغذات نامزدگی کے پہلے دن بائیس درخواستیں موصول ہوئی تھیں ۔

الیکشن کمیشن میں میڈیا سے گفتگو کرتے ہوئے سینئر صوبائی وزیر نثار کھوڑو کا کہنا تھا کہ سابق صوبائی وزیر داخلہ ذوالفقار مرزا کو اپنے موقف کا اظہار اس وقت کرنا چاہئے تھا جب وہ منصب پر تھے ان کے کسی بھی الزام کا جواب نہیں دیں گے۔

پیپلزپارٹی اور ایم کیو ایم کے درمیان حکومت سازی کے حوالے سے سینئر صوبائی وزیر تعلیم کا کہنا تھا کہ حکومتی مذاکرات کے خدوخال مکمل کرنے میں ابھی مزید وقت لگے گا۔

Comments

comments

یہ بھی پڑھیں