The news is by your side.

Advertisement

سینیٹ الیکشن: تحریک انصاف لیگی رہنماؤں کیخلاف عدالت پہنچ گئی

اسلام آباد : تحریک انصاف خم ٹھونک کر مسلم لیگ کے سامنے آگئی، شیریں مزاری نےاقبال ظفر جھگڑا اور راحیلہ گل مگسی کےسینیٹ کیلئےکاغذات نامزدگی کی منظوری عدالت میں چیلنج کر دی۔

تفصیلات کے مطابق پاکستان تحریک انصاف کی رہنما شیریں مزاری کی جانب سے درخواست میں ،چیف الیکشن کمشنر مسلم لیگی رہنماؤں اقبال ظفر جھگڑااور راحیلہ مگسی کو فریق بنایا گیاہے۔

درخواست میں عدالت سے استدعا کی گئی ہے کہ اقبال ظفر جھگڑا اورراحیلہ مگسی کے اسلام آباد کے کوٹہ سے جاری ہونے والے ٹکٹ کو مسترد کرنے کے لئے الیکشن کمیشن کو حکم جاری کرے۔

درخواست میں مؤقف اختیار کیا گیاہے کہ پاکستان مسلم لیگ ن نےسینیٹ کے حالیہ انتخابات میں آئین کی خلاف وزری کرتے ہوئے سینیٹ ٹکٹ جاری کئے ہیں ۔

اقبال ظفر جھگڑاکا تعلق صوبہ خیبر پختونخواہ سے اور راحیلہ مگسی کا تعلق صوبہ سندھ کے علاقہ ٹنڈوالہ یار سے ہے ۔آئین کے آرٹیکل 62 کے مطابق کسی بھی امیدوار کا ووٹ کا اندراج اور اسی حلقے کا رہائشی ہونا ضرروی ہے ۔

پاکستان تحریک انصاف کے وکیل بیرسٹر محمد شعیب زراق کا کہنا تھا کہ مسلم لیگ نواز نےکوڈ آف کنڈیکٹ کی کھلے عام خلاف وزری کرتے ہوئے ہارس ٹریڈنگ شروع کردی ہے۔

Print Friendly, PDF & Email

Comments

comments

یہ بھی پڑھیں