The news is by your side.

Advertisement

سینیٹ انتخابات : سیاسی جماعتوں نے امیدواروں کے نام فائنل کرلیے

اسلام آباد: تین مارچ کو سینیٹ میں سیاسی میدان سجے گا، مختلف سیاسی جماعتیں حلیفوں کے ساتھ ایوان کی باون نشستوں کے لئے مد مقابل ہوں گی، تین مارچ کو ہونے والے سینیٹ انتخابات کے لیے سیاسی جماعتوں نے امیدواروں کے نام فائنل کرلیے ہیں، اصل معرکہ پاکستان پیپلز پارٹی اورمسلم لیگ نون کےدرمیان متوقع ہے۔

پاکستان پیپلزپارٹی نے سندھ سے پیپلزپارٹی کے سات امیدواروں ، اسلام الدین شیخ، رحمان ملک، سلیم مانڈوی والا، عبداللطیف انصاری، اور انجنیئرگیانچند ، فاروق ایچ نائیک اور سسئی پلیجو کو سینیٹ کا ٹکٹ دیا گیا ہے، خیبرپختونخواہ میں خانزادہ خان ، نورعالم اور ہمایوں خان کو ٹکٹ دیا گیا ہے، پنجاب سے ندیم افضل چن اور اسلام آباد سےنرگس فیض ملک کو ٹکٹ جاری کیے گئے ہیں ۔

ایم کیو ایم نے سینیٹ کے لیے بیرسٹر سیف، محمد عتیق اورضا زیدی اور نگہت خاتون کو ٹکٹ جاری کرنے کا فیصلہ کیا ہے۔

مسلم لیگ ن نے پنجاب سے سینیٹ کے لیے راجا ظفر الحق، پرویز رشید، نہال ہا شمی اور مشاہد اللہ خان ، اقبال ظفر جھگڑ ا اور راحیلہ مگسی کے نام فائنل کیے ہیں، بلوچستان سے سردار یعقوب ناصر ، امیرافضل خان مندوخیل،میرنعمت اللہ زہری، شہباز خان دورانی، دانش کمار اور کلثوم پروین کو سینٹ کے ٹکٹ جاری کیے ہیں ۔

عوامی نیشنل پارٹی خیبر پختونخواہ سے سینیٹ کے لیے حاجی عدیل، افرسیاب خٹک، ستارہ ایاز اور امر جیت ملھوترا کو ٹکٹ جاری کیے ہیں۔

جے یوآئی ف نے سابق رکن قومی اسمبلی مولانا عبدالغفور حیدری ،اور بلوچستان کے سابق اسپیکر ملک سکندر خان ایڈوکیٹ ، ہیمن داس مسز نسرین کھیتران کوٹکٹ جاری کیے ہیں۔

Print Friendly, PDF & Email

Comments

comments

یہ بھی پڑھیں