سینیٹ کی 52نشستوں پر انتخاب کا طریقہ کار -
The news is by your side.

Advertisement

سینیٹ کی 52نشستوں پر انتخاب کا طریقہ کار

اسلام آباد: پانچ مارچ کو سینیٹ الیکشن میں رکن قومی اورصوبائی اسمبلی کس طرح سینیٹرز کا انتخاب کریں گے ۔

الیکشن کمیشن آف پاکستان کے وضع کردہ طریقہ کار کے مطابق سندھ اسمبلی کے ایک سواڑسٹھ ارکان سینیٹ کی سات، خواتین اور ٹینکو کریٹس کی دونشستوں کیلئے چوبیس رکن ایک سینیٹر کا انتخاب کریں گے۔

پنجاب اسمبلی میں ارکان کی تعداد تین سو اکہتر ہے یعنی ترپن رکن اسمبلی ایک سینیٹر کو منتخب کرینگے۔

خیبرپختونخوا میں سینیٹ کی سات جنرل نشستوں کی ہر نشست کے لیے سترہ ووٹ درکار ہونگے، بلوچستان میں سینیٹ کی سات جنرل نشستوں کے لئے امیدواروں کو نو ارکان اسمبلی کے ووٹ درکار ہوں گے۔

بلوچستان میں ٹیکنوکریٹس اور خواتین کی دو دو نشستیں ہیں، ایک نشست کیلئے تینتیس تینتیس ووٹ درکار ہیں، ایک اقلیتی نشست کے لیے سادہ اکثریت درکار ہوگی۔

اسی طرح فیڈرل ایریاز کی دو نشستوں کے لیے قومی اسمبلی الیکٹورل کالج ہوگا، فاٹا کی چار نشستوں کے لیے فاٹا کے گیارہ اراکین قومی اسمبلی ہی الیکٹورل کالج بنیں گے۔

الیکشن کمیشن کے مطابق غیر حاضر ہونے یا استعفوں سے خالی ہونے والی سیٹوں سے سینیٹ الیکشن اثرانداز نہیں ہوں گے۔

Comments

comments

یہ بھی پڑھیں