سینیٹ کے نومنتخب سینیٹرز نے حلف اٹھالیا -
The news is by your side.

Advertisement

سینیٹ کے نومنتخب سینیٹرز نے حلف اٹھالیا

اسلام آباد: سینیٹ کے نو منتخب ارکان نے حلف اٹھا لیا۔ سینیٹر اسحاق ڈار نے نومنتخب سینیٹرز سے حلف لیا۔

ایوان بالا کے باون سینیٹرز کے نام کےساتھ آج لفظ سابق لگ جائے گا، آج ڈپٹی چیئرمین سینیٹ کے انتخاب اور نومنتخب اڑتالیس میں سے چوالیس سینیٹرزنے حلف اٹھالیا، جس کے بعد سینٹ کی تمام قائمہ کمیٹیاں تحلیل ہوگئیں، نومنتخب سینیٹرز کی حلف برداری کے بعد سینیٹ کا اجلاس سہ پہر تین بجے تک ملتوی کر دیا گیا۔

سینیٹ ایڈوائزری کمیٹی نو منتخب سینیٹرز کی حلف برداری کے بعد پندرہ روز میں کمیٹیوں کی تشکیل نو کریگی، ریٹائرڈ ہونے والے سینیٹرز میں پیپلزپارٹی کےاکیس سینیٹرزکی مدت مکمل ہوگئی، جن میں چیئرمین سینیٹ نیر حسین بخاری ،رحمٰن ملک، اورجہانگیر بدرنمایاں ہیں۔

عوامی نیشنل پارٹی کے ریٹائرڈ ہونے والے چھ سینیٹر میں زاہد خان بھی شامل ہیں،جمعیت علمائے اسلام کے ریٹائرڈ ہونے والے سینیٹرز میں اہم نام مولاناعبدالغفورحیدری کا ہے۔

ایم کیو ایم کے بابر غوری بھی ریٹائرڈ سینیٹرز کی فہرست میں شامل ہیں۔

ق لیگ کےصدر چورہدی شجاعت حسین کی مدت آج مکمل ہوگئی، حکمران جماعت ن لیگ کے ریٹائرڈ ہونے والے آٹھ سینیٹرز میں وفاقی وزیراطلاعات پرویزرشید بھی ہیں۔

رضاربانی سے پہلےچیئرمین سینیٹ کی کرسی پرحبیب اﷲ خان مرحوم، سابق صدرغلام اسحاق خان مرحوم، وسیم سجاد،محمدمیاں سومرو،فاروق ایچ نائیک اور نیئر بخاری ذمہ داریاں نبھا چکے ہیں۔

Comments

comments

یہ بھی پڑھیں