site
stats
اہم ترین

سیکورٹی خدشات، بیشترشہروں میں موبائل سروس بند، ڈبل سواری پر پابندی

کراچی : نو اور دس محرم کے موقع پر ملک بھر میں سیکورٹی اقدامات سخت کردیئے گئے ہیں، کراچی، لاہور اور کوئٹہ سمیت دیگر شہروں میں موبائل سروس بند جبکہ ڈبل سواری پرپابندی عائد کردی گئی ہے۔

سیکورٹی خدشات کے باعث نو اور دس محرم کے لئے سیکورٹی کے غیر معمولی انتظامات کئے گئے ہیں،  کراچی لاہور، کوئٹہ، ڈیرہ اسماعیل خان، ہنگو، کوئٹہ، درہ آدم خیل سمیت دیگرشہروں میں موبائل سروس بند ہے اور بیشترشہروں میں موٹرسائیکل کی ڈبل سواری پرپابندی عائد کردی گئی ہے۔

کراچی میں چارسو زائد امام بارگاہوں اور مجالس کے مقامات پر اٹھارہ سو سے زائد سیکورٹی اہلکار تعینات کئے گئے ہیں، محکمہ داخلہ سندھ نے کراچی سمیت حیدرآباد، خیرپور، سکھر اور سانگھڑ میں نو اور دس محرم الحرام کو موٹرسائیکل کی ڈبل سواری پر پابندی عائد کردی ہے۔

لاہورکے مختلف علاقوں میں دفعہ ایک سوچوالیس نافذ کرکے ڈبل سواری پرپابندی لگا دی گئی ہے۔ دارالحکومت اسلام آباد، راولپنڈی، گوجرانوالہ اور ڈیرہ اسماعیل خان میں بھی ڈبل سواری پر پابندی ہے، بنوں امام بارگاہ کے اطراف کرفیو نافذ کرکے علاقہ سیل کردیا گیا ہے اورچھ سوسیکورٹی اہلکاروں تعینات کئے گئے ہیں۔

وزارتِ داخلہ نے صوبائی حکومتوں کی معاونت کیلئے فوج، رینجرز اور فرنٹیئر کانسٹیبلری کے تین ہزار سے زائد اہلکاروں کو ملک بھر کے چون اضلاع میں تعینات کر دیا ہے، سیکورٹی انتظامات کو مزید مضبوط بنانے کیلئے بارہ ہیلی کاپٹر موجود رہیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top