The news is by your side.

Advertisement

سی آئی اے کے سابق سربراہ پیٹریاس پر فرد جرم عائد کرنے کی سفارش

واشنگٹن : امریکی ایجنسی ایف بی آئی اور محکمہ انصاف نے سی آئی اے کے سابق سربراہ پیٹریاس پر سنگین جرم کے چارجز عائد کرنے کی سفارش کی ہے۔

میڈیا رپورٹس کے مطابق سی آئی کے سابق سرابراہ پیٹریاس پر الزام ہے کہ انہوں نے اپنی سابقہ محبوبہ کو مبینہ طور پر خفیہ معلومات فراہم کی تھیں، معلومات اس وقت فراہم کی گئیں تھیں جب وہ سی آئی اے کے ڈائریکٹر تھے۔

فیڈرل بیورو آف انویسٹی گیشن اور محکمہ انصاف نے تحقیقات کے بعد وفاقی اٹارنی جنرل سے سفارش کی ہے کہ وہ پیٹریاس پر فرد جرم عائد کریں۔ فرد جرم عائد ہونے کی صورت میں ڈیوڈ پیٹریاس کو جیل کا سامنا بھی کرنا پڑسکتا ہے۔

ڈیوڈ پیٹریاس کا کہنا تھا کہ انہوں نے خفیہ معلومات اپنی محبوبہ مسز براڈویل سے کبھی شیئر نہیں کیں ۔

یاد رہے کہ ڈیوڈ پیٹریاس 2011 میں سی آئی اے کے سربراہ بنے تھے، اس سے قبل وہ عراق اور افغانستان میں امریکی افواج کی قیادت کرتے رہے تھے۔

Print Friendly, PDF & Email

Comments

comments

یہ بھی پڑھیں