کراچی: سوئی سدرن گیس کمپنی نے اعلان کیا ہے کہ کل بروز ہفتہ سندھ بھر میں سی این جی کی سپلائی معطل رہے گی۔
سوئی گیس حکام کے مطابق ہفتے کے روز سی این جی کی بندش کا فیصلہ گیس پریشر میں کمی کے باعث کیا گیا۔
سی این جی کی بندش کے شیڈول کے مطابق سی این جی اسٹیشنوں کو 24 گھنٹے کی بندش کے بعد ہفتے کی صبح 8 بجے کھلنا تھا لیکن اب بندش 48 گھنٹے طویل ہوگئی ہے اور اس کا سبب سردیوں میں گیس کی بڑھتی ہوئی ڈیمانڈ کے سبب پریشر کی کمی ہے۔
سندھ بھر میں سی این جی اسٹیشن اتوار کی صبح 08 بجے کھلیں گے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
