The news is by your side.

Advertisement

سی این جی کی چار روزہ بندش کیخلاف ہڑتال کی دھمکی

کراچی : آئندہ ہفتےتین کےبجائےچار روز سی این جی کی بندش کو سی این جی ایسوسی ایشن اور ٹرانسپورٹرز نےمستردکرکےاس فیصلےکیخلاف ہڑتال کی دھمکی دی ہے۔

سوئی سدرن گیس کمپنی نےسوئی پلانٹ میں حادثے اور گیس سپلائی میں کمی کو جواز بناتےہوئےآئندہ ہفتےتین کےبجائے چار روز سی این جی اسٹیشنزکوگیس کی فراہمی بندکرنےکا اعلان کیا ہے۔

ترجمان ایس ایس جی سی کےمطابق آئندہ ہفتے بروز پیر،بدھ،،جمعہ اور اتوار کو سی این جی کا ناغہ ہوگا۔

ادھر آل پاکستان سی این جی ایسوسی ایشن سندھ زون اور آل کراچی ٹرانسپورٹ اتحاد نےسی این جی کی چار روز ہ بندش کو مستردکرتے ہوئےاس فیصلےکو واپس لینےکا مطالبہ کیا ہے۔

سی این جی ایسوسی ایشن اور ٹرانسپورٹرز نےفیصلہ واپس نہ لینےکی صورت میں احتجاج اور ہڑتال کرنےکی دھمکی دی ہے۔

Comments

یہ بھی پڑھیں