لاہور: شاد باغ میں شادی ہال کی دیوارگرنے سے دلہن سمیت چھ افراد جاں بحق ہوگئے جبکہ بیس افراد زخمی ہوگئے ہیں۔
لاہو رکے علاقے شاد باغ میں واقع ایک شادی ہال میں مہندی کی تقریب جاری تھی کہ اچانک شادی ہال کی دیوارگرگئی جس سے چھ افراد جاں بحق ہوئے جن میں دلہن بھی شامل ہے جبکہ 20 افراد زخمی ہوگئے۔
بد قسمت دلہن کا دولہا بھی زخمی ہونے والے افراد میں شامل ہے۔
ریسکیو ذرائع کے مطابق چھت گرنے سے دس سے زائد افراد زخمی بھی ہوئے ہیں جن کو فوری طورپر قریبی اسپتال میں طبی امداد کے لئے منتقل کردیا گیاہے۔
وزیراعلیٰ پنجاب شہباز شریف نے واقعے کا نوٹس لیتے ہوئے فوری تحقیقات کا حکم دیا ہے اوراسپتال انتظامیہ کو بہترین سہولیات فراہم کرنے کی ہدایت کی ہے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
