جونئیر ایشیا کرکٹ کپ کا فائنل شارجہ میں پاکستان اور بھارت کی انڈر نائینٹین ٹیموں کے درمیان کھیلا جارہا ہے۔ شارجہ میں کھیلے جانے والے انڈر نائنٹین ایشیا کپ کے فائنل معرکے کا ٹاس پاکستان نے جیت کر فیلڈنگ کا فیصلہ کیا ہے۔ دونوں ٹیمیں ٹائٹل جیتنے کے لئے پرعزم ہیں۔
پاکستان نے افغانستان اور بھارت نے سری لنکا انڈر نائنٹین کی ٹیم کو شکست دے کر فائنل تک رسائی حاصل کی۔ پاکستان اور بھارت کے درمیان دو ہزار بارہ میں جونیئر ایشیا کرکٹ کپ کا فائنل سنسنی خیر مقابلے کے بعد ٹائی ہوا تھا جس کے بعد دونوں ٹیموں کو ایونٹ کا مشترکہ فاتح قرار دیا گیا تھا۔
