شام: داعش میں شامل 2آسٹریلوی شہریوں نے 4 خواتین کواغواء کرلیا -
The news is by your side.

Advertisement

شام: داعش میں شامل 2آسٹریلوی شہریوں نے 4 خواتین کواغواء کرلیا

شام : داعش میں شامل آسٹریلیا کے دو شہریوں نے شام میں چارعراقی خواتین کو اغواء کرلیا ہے، مغوی خواتین نے اغواء ، زیادتی اور دہشتگردی پر آسٹریلیا سے اپنے ملوث شہریوں کیخلاف کارروائی کا مطالبہ کر دیا۔

برطانوی اخبار کے مطابق داعش میں شامل دو آسٹریلوی شہریوں خالد شریف اور محمد العمر نے چار عراقی خواتین کو اغواء کرکے باندی بنالیا ۔عراقی صوبے کرد کے یزیدی فرقے سے تعلق رکھنے والی خواتین نے آسٹریلیا سے دونوں شہریوں کو گرفتار کرکے ان پر ہونے والے مظالم کا بدلہ لینے کا مطالبہ کیا ہے۔

متاثرہ خواتین نے بتایا کہ ان کے خاندان کے افراد کو سفاکی سے قتل کردیا گیا ہے، اب اُن پر بھی آئے روز تشدد کیا جاتا ہے اور قتل کی دھمکیاں دی جاتی ہیں۔

خواتین نے الزام لگایا کہ دونوں آسٹریلوی شہری دہشت گردی ، قتل ، اغواء ، زیادتی اور تشدد کی وارداتوں میں ملوث ہیں ۔

خالد اور عمر داعش کی دہشت گرد کارروائیوں کے آغاز پر آسٹریلیا سے خاندان سمیت شام کے شہر رقعہ منتقل ہوگئے تھے۔

Comments

comments

یہ بھی پڑھیں